ဆဲဗင်းဇူလိုင်အထိမ်းအမှတ်သတင်းယူမည့် သတင်းထောက်များအား ကွဲပြားခြားနားသည့် ၀တ်စုံများဝတ်ဆင်ရန် တိုင်းအစိုးရသတိပေး

 ယနေ့ကျင်းပမည့် ဆဲ ဗင်းဇူလိုင်အထိမ်းအမှတ်အခမ်း အနားသို့ တက်ရောက်သတင်းရယူမည့် သတင်းထောက်များအားအထိမ်းအမှတ်ပွဲတက်ရောက်လှုပ် ရှားသူများနှင့် ကွဲပြားခြားနား သည့် သတင်းထောက်ဝတ်စုံများ ၀တ်ဆင်လာရန်၊ ရန်ကုန်တိုင်းဒေ သကြီးအစိုးရက ရန်ကုန်အခြေ စိုက်သတင်းဌာနများထံအ ကြောင်းကြားထားသည်။

ယခင်က ပြည်ထောင်စုနှင့် ဒေသဆိုင်ရာအစိုးရများသည် ၎င်း တို့အစီအစဉ်ဖြင့် ကျင်းပမည့်အ ခမ်းအနားများ၌ သီးသန့်ဝတ်စုံ ၀တ်ဆင်ရန် အကြောင်းကြားမှု များရှိခဲ့သော်လည်း အတိုက်အခံ များဦးဆောင်ကျင်းပသည့်အခမ်း အနားများတွင် သီးသန့်ဝတ်စုံဝတ် ဆင်ရန် အကြောင်းကြားခြင်းမှာ ယခုတစ်ကြိမ်သည် ပထမဆုံးအ ကြိမ်ဖြစ်သည်။

တက္ကသိုလ်ကျောင်းသားသ မဂ္ဂအဆောက်အအုံကို မိုင်းခွဲဖျက် ဆီးခဲ့သည့် ဆဲဗင်းဇူလိုင်အထိမ်း အမှတ်ဖြစ်သော ဆဲဗင်းဇူလိုင်အ ခမ်းအနားတွင် သတင်းရယူမည့် သတင်းထောက်များအား သတင်း ထောက်ကတ်များချိတ်ဆွဲရန် လည်း ရန်ကုန်တိုင်းဒေသကြီးအ စိုးရက ထူးထူးခြားခြားသတိပေး ထားသည်။

အဆိုပါရန်ကုန်တိုငဒေသ ကြီးအစိုးရ၏ သတိပေးမှုကိုပြန် ကြားရေးဝန်ကြီးဌာနအောက်ရှိ မူပိုင်ခွင့်နှင့်မှတ်ပုံတင်ဌာနခွဲက တစ်ဆင့် 7Day အပါ အ၀င် ရန်ကုန်အခြေစိုက်သတင်းဌာနများအား ဇူလိုင် ၆ရက် ညနေ ပိုင်းတွင်အကြောင်းကြားခဲ့ပြီး မည်သည့်အကြောင်းကြောင့် တိုက်တွန်းသည်ကိုမူထည့်သွင်းပြောကြားခြင်း မရှိပေ။

အစိုးရဘက်က သတင်းဌာန များအပေါ် ပထမဆုံးအကြိမ်သ တိပေးမှုသည် သတင်းမီဒီယာအ သိုင်းအ၀ိုင်းအတွက် အသစ်အ ဆန်းဖြစ်နေပြီး ခန့်မှန်းပြောကြားမှုအမျိုးမျိုးလည်းပေါ်ထွက်လျက် ရှိသည်။

‘‘ဘာကြောင့် သတိပေးတယ်ဆိုတာ အမျိုးမျိုးကောက်ယူ လို့ရတယ်။ အထိအခိုက်ရှိနိုင် တယ်လို့ သတိပေးချက်လည်းဖြစ်နိုင်တယ်။ သပိတ်မှောက်တဲ့လူတွေနဲ့ ကွဲအောင်နေကြလို့ ပြောချင်တဲ့ သဘောလို့မြင်တယ်’’ဟု ဧရာဝတီသတင်းဂျာနယ်တာဝန်ခံအယ်ဒီတာဦးရဲနည်က ပြော သည်။

ဆဲဗင်းဇူလိုင်ဟုလူသိများ သည့် ၁၉၆၂ ဇူလိုင် ၇ရက်ညက ရန် ကုန်တက္ကသိုလ်ကျောင်းသားသမ ဂ္ဂအဆောက်အအုံဖောက်ခွဲတိုက် ခိုက်ခံခဲ့ရပြီးကျောင်းသားရာချီ သေကျေဖမ်းဆီးခံခဲ့ရသည့်အဆို ပါအဖြစ်အပျက်ဖြစ်ပျက်ခဲ့သော နှစ်ပတ်လည်နေ့အခမ်းအနားကျင်းပတိုင်းအစိုးရအဆက်ဆက်က ထိန်းချုပ်မှုများပြုလုပ်ခဲ့သည်။

အစိုးရသစ်လက်ထက် ၂၀၁၂အတွင်းက ဆဲဗင်းဇူလိုင် နှစ်(၅၀)ပြည့်အခမ်းအနားကျင်းပ ရန် စီစဉ်နေစဉ် ရန်ကုန်၊ မန္တလေး၊ ရွှေဘိုနှင့် လားရှိုးတို့မှ အထိမ်းအ မှတ်အခမ်းအနားကျင်းပရန်စီစဉ် သည့်ကျေင်းသားနှင့်တက်ကြွ လှုပ်ရှားသူ ၁၇ဦးခန့်ကို အစိုးရ က အခမ်းအနားကျင်းပမည့်နေ့ တွင် နာရီ ၂၀ခန့်ကြာထိန်းသိမ်း ခဲ့ဖူးသည်။

ဧရာဝတီတိုင်းဒေသကြီးပု သိမ်မြို့တွင်လည်း ဆဲဗင်းဇူလိုင် အခမ်းအနားကျင်းပရန်စီစဉ်နေ သည့်ကျောင်းသားခေါင်းဆောင် တစ်ဦးကို ခရိုင်ရဲတပ်ဖွဲ့က ဇူလိုင် ၆ရက် ညနေတွင် တစ်နာရီကျော် ကြာခေါ်ယူမေးမြန်းခဲ့ကြောင်း ကာယကံရှင်ဖြစ်သူက   ပြော သည်။

‘‘ပုသိမ်ခရိုင်မှူးကတွေ့ချင် တယ်ဆိုပြီးလာခေါ်တယ်။ ဘာမှ မမေးဘဲအကြာကြီးထားတယ်။ ပြန်ခါနီးကျမှအခမ်းအနားအစီအ စဉ်ကိုမေးတယ်’’ဟု ခေါ်ယူမေး မြန်းခံရသည့် ကိုအောင်ခန့်ဇော် ကပြောသည်။

ယခုနှစ်တွင် ကျရောက်မည့် ဆဲဗင်းဇူလိုင်အထိမ်းအမှတ်နေ့ တွင်လည်း ကျောင်းသားသမဂ္ဂအ ဖွဲ့ဝင်များက ရန်ကုန်စံရိပ်ငြိမ်မှတ် တိုင်မှစ၍ ရန်ကုန်တက္ကသိုလ်အ တွင်းရှိ ကျောင်းသားသမဂ္ဂအ  ဆောက်အအုံမြေနေရာဖြစ်သည့် သမဂ္ဂမြက်ခင်းပြင်ရှေ့သို့ ချီတက်  ရန်စီစဉ်ထားသောကြောင့်အစိုးရ က ရန်ကုန်မြို့တွင် လုံခြုံရေးတိုး မြှင့်ထားခဲ့သည်။

‘‘ကျောင်းသားတွေကို ဖမ်း တာဆီးတာရှိပြီး အခုပွဲနီးတော့ ထောက်လှမ်းရေးတွေပိုလာ တယ်။ အစဉ်အဆက်ကျောင်း သားတွေအခက်အခဲကြားက ဒီပွဲ ကိုလုပ်လာတာ။ ကျွန်တော်တို့က ဘယ်လိုအကြောင်းနဲ့မှ အပျက်ခံ မှာမဟုတ်ဘူး’’ဟု ရန်ကုန်တွင် ဆဲဗင်းဇူလိုင်ပွဲလုပ်ရန် စီစဉ်နေ သည့်ကျောင်းသားကိုရဲဇာနည်ထွန်းကပြောသည်။